Dzyudo boʻyicha Osiyo chempionatining tantanali ochilish marosimi oʻtkazildi
Toshkentda dzyudo boʻyicha oʻsmirlar va yoshlar oʻrtasidagi Osiyo chempionati davom etmoqda. Bugun yoshlar toifasidagi bellashuvlar boshlandi. Biroz avval yurtimiz birinchi bor mezbonlik qilayotgan mazkur turnirning tantanali ochilish marosimi boʻlib oʻtdi.
Unda Osiyo dzyudo federatsiyasi prezidenti Obayd Al Anzi, Yoshlar siyosati va sport vaziri Adham Ikramov, MOQ raisi oʻrinbosari, mamlakat dzyudo federatsiyasi raisi Azizjon Kamilov ishtirok etishdi. Tadbirda soʻz olgan Adham Ikramov O’zbekiston Respublikasi davlat bayrog’i qabul qilingan kun bilan barcha yurtdoshlarimizni qutladi va musobaqada ishtirok etayotgan barcha sportchilarga omad tiladi.
Shundan soʻng marosimning badiiy qismiga navbat berildi. Dasturga koʻra, ochilish marosimidan soʻng kunning final blokidan oʻrin olgan bellashuvlarga navbat berildi.
