Indoneziya yashil maydonlarida oʻtayotgan futbol boʻyicha U-17 jahon chempionatida guruh bosqichi bellashuvlari deyarli yakuniga yetdi. Eʼtiborli tomoni, unda ishtirok etayotgan Oʻzbekiston terma jamoasi pley-off bosqichiga yoʻl oldi.

“В” guruhidan o’rin olgan yoshlarimiz 4 ochko jamgʻarib, uchinchi oʻrinni qoʻlga kiritgan edi. Reglamentga koʻra, barcha guruhlar ichida eng koʻp ochko toʻplagan 4 ta uchinchi oʻrin egalari nimchorak final ishtirokchisiga aylanadi. Bu borada jamoamiz to’rtinchi natija bilan pley-off masalasini ijobiy hal qildi.

Endi hamyurtlarimiz 22-noyabr kuni Jakarta shahrida “С” guruhida birinchi oʻrinni egallagan angliyalik oʻsmirlarga qarshi maydonga chiqishadi. Boʻlajak bahsda futbolchilarimizga omad tilaymiz!