O'smirlarimiz qit’a birinchiligida peshqadam bo’lishdi
Dzyudo bo’yicha Toshkent mezbonlik qilayotgan o’smirlar va yoshlar o’rtasidagi Osiyo chempionatida ikkinchi kun bahslari ortda qoldi. E’tiborlisi, o’smirlarimiz ushbu kun bahslarini ham muvaffaqiyatli o’tkazib, 3 ta oltin, 3 ta kumush va 1 ta bronza, jami 7 ta medalga sazovor bo’lishdi. Bugungi kun qahramonlari:
Oltin medal:
-90 kg: Hakimjon Mahkamov
+90 kg: Elnur Xolmo’minov
-63 kg: Nigina Saparbayeva
Kumush medal:
-73 kg: Azamat Ablakulov
-81 kg: Behruzbek Rustamboyev
-57 kg: Aselxan Aralbayeva
Bronza medal:
+70 kg: Mushtariybegim Afzalova
Shu tariqa, o’smirlar toifasidagi bellashuvlar yakunlandi. Unda 7 ta oltin, 5 ta kumush va 5 ta bronza medallarini qo’lga kiritgan O’zbekiston terma jamoasi 15 mamlakat orasida umumjamoa hisobida birinchi o’rinni qo’lga kiritdi. Ertadan yoshlar o’rtasidagi bellashuvlar boshlanadi.
