17 Noyabr 2023
1200
Jang san’ati va yopiq inshootlardagi Osiyo o’yinlarining muddati yana o’zgardi
2021-yil Tailandning Bangkok va Chonburi shaharlari mezbonlik qilishi kerak bo’lgan Jang sanʼati va yopiq inshootlardagi Osiyo oʻyinlari koronavirus pandemiyasi va uning yangi to’lqinlari sabab 2024-yilning fevral-mart oylariga ko’chirilgan edi. Biroq ayni paytda deyarli barcha davlatlar bor eʼtiborini Parij-2024 yozgi Olimpiya oʻyinlariga qaratayotgani bois Tailandda oʻtkazilishi rejalashtirilgan musobaqa keyinroqqa qoldirildi.
Osiyo Olimpiya kengashining maʼlum qilishicha, bu galgi Jang sanʼati va yopiq inshootlardagi Osiyo oʻyinlari Parij-2024 Olimpiadasidan soʻng oʻtkaziladi. Aniq sanalar esa keyinroq rasman maʼlum qilinadi.
