Yigitlarimiz Osiyoda kim kuchli ekanini yana bir karra ko‘rsatib qo‘yishdi
BAAda boks bo‘yicha Osiyo chempionati o‘z yakuniga yetdi. Ma’lum qilganimizdek, bugun erkaklar o‘rtasida final janglari o‘tkazildi.
10 vazn toifasidan 7 tasida hamyurtlarimiz qit’a chempionligi uchun bahs olib borishdi. Ularning 6 nafari esa terma jamoamiz hisobiga oltin medallarni taqdim qildi. Markaziy jang +91 kg vazn toifasida Bahodir Jalolov va Kamshibek Konkabayev o‘rtasida kechdi. Jang davomida to‘liq ustunlik qilgan Jalolov yakunda yana bir g‘alabani tantana qildi. Batafsil:
-49 kg: Nodirjon Mirzahmedov – Daniyal Sabit (Qozog‘iston) 5:0
-52 kg: Shahobiddin Zoirov – Amit (Hindiston) 3:2
-56 kg: Mirazizbek Mirzaxalilov – Xarku Enx-Amar (Mo‘g‘uliston) 2:3
-69 kg: Bobousmon Baturov – Ablayxan Jusupov (Qozog‘iston) 3:2
-75 kg: Saidjamshid Ja’farov – Abilxan Amankul (Qozog‘iston) 4:1
-81 kg: Dilshodbek Ro‘zmetov – Meysam Geshlagi (Eron) 3:2
+91 kg: Bahodir Jalolov – Kamshibek Konkabayev (Qozog‘iston) 5:0
Shu tariqa, bokschi yigitlarimiz o‘z yo‘nalishlarida umumjamoa hisobida birinchi o‘rinni qo‘lga kiritishdi. Erkaklar jamoamiz ushbu chempionatni 6 ta oltin, 1 ta kumush va 3 ta bronza, jami 10 ta medal bilan yakunlashdi.
O‘zbekiston Milliy Olimpiya qo‘mitasi bokschilarimizni, ularning murabbiylarini va O‘zbekiston boks federatsiyasini Osiyo chempionatidagi yana bir muvaffaqiyat bilan samimiy qutlab qoladi.
