13 Noyabr 2023
924
Gandbolchi qizlarimiz xalqaro musobaqada g‘alaba qozonishdi
Toshkentda gandbol boʻyicha “Womenʼs IHF Trophy — Asia Continental Phase” turniri oʻz yakuniga yetdi. 17 va 19 yoshgacha boʻlgan qizlar oʻrtasida tashkil etilgan musobaqaning har ikki yosh toifasida kechgan bahslarida hamyurtlarimiz gʻalaba qozonishdi.
Aylana tizimida kechgan turnirning soʻnggi bellashuvida oʻsmirlarimiz Bangladesh jamoasini 38:15, yoshlarimiz esa Gonkongni 46:27 hisobida dogʻda qoldirishdi. Qayd etish joiz, mazkur muvaffaqiyat har ikki jamoamizga Womenʼs IHF Trophy turnirining qitʼalararo bosqichida ishtirok etish imkonini taqdim qildi. Unda gʻalaba qozongan jamoalar esa oʻz yosh toifalarida jahon chempionati yoʻllanmasiga ega boʻlishadi.
