Og‘ir atletika bo‘yicha O‘zbekiston terma jamoasi navbatdagi o‘quv-mashg‘ulot yig‘inini olib bormoqda. Chirchiq shahridagi bazada o‘tkazilayotgan yig‘inga erkaklar va ayollar terma jamoamizning asosiy va zaxira sportchilaridan iborat 20 nafar sportchi jalb qilingan.

Mashg‘ulotlar 4-14-dekabr kunlari Qatarda bo‘lib o‘tadigan reyting musobaqasiga tayyorgarlikning asosiy bosqichlaridan hisoblanadi. Murabbiylar shtabi yig‘inda atletlarning jismoniy tayyorgarligi va texnik harakatlarini kuchaytirishga ko‘proq e’tibor qaratmoqda.