Toshkentdagi “Universal Horses Stable” majmuasida konkur boʻyicha “FEI Jumping Challenge Tashkent 2023” xalqaro musobaqasi boʻlib oʻtdi. Uch bosqichda tashkil etilgan mazkur musobaqani baholab borish uchun 3 yulduzli xalqaro toifadagi hakam S.M. Buykevich tashrif buyurdi.

Qiziqarli bellashuvlar davomida Mariya Dushenko (“Lasinos Boy” laqabli otda) “A”, Dilshod Shokirov (“Alonso 43”) “В”, Sofiya Toshmatova (“Flayt”) va Ubaydulloh Fozilxoʻjayev (“Chempion”) “С” toifasidagi bellashuvlarda yuqori natija koʻrsatishdi. Musobaqa yakunida gʻolib va sovrindorlarga tashkiliy qoʻmitaning esdalik sovgʻalari taqdim etildi.