10 Noyabr 2023
967
II Turkiy davlatlar universiadasi oʻyinlarida umumjamoa hisobida birinchi boʻlgan Oʻzbekiston delegatsiyasi kutib olindi
Joriy yilning 5-9-noyabr kunlari Qozogʻistonning Turkiston shahrida II Turkiy davlatlar universiadasi oʻyinlari oʻtkazildi. Unda Oʻzbekiston delegatsiyasi 15 ta oltin, 11 ta kumush va 10 ta bronza, jami 36 ta medal bilan umumjamoa hisobida birinchi oʻrinni qoʻlga kiritdi.
Bugun musobaqada muvaffaqiyatli ishtirok etgan delegatsiyamiz tantanali kutib olindi. Tadbirda Shahrullo Mahmudov boshchiligidagi Yoshlar siyosati va sport vazirligining mutasaddilari, federatsiyalar masʼullari ishtirok etishdi. Sh.Mahmudov talaba sportchilarimizni erishgan gʻalabalari bilan qutlab, ularga kelgusi faoliyatlarida ham ulkan zafarlar tiladi.
