Tailandning Bangkok shahrida kamondan otish boʻyicha Osiyo chempionati oʻz yakuniga yetdi. Mazkur musobaqa jamoaviy dasturda Parij-2024 Olimpiya oʻyinlari yoʻllanmasini taqdim qilishi bilan ahamiyatli edi.

Afsuski, Oʻzbekiston terma jamoasi aʼzolari qitʼa birinchiligida shohsupaga koʻtarila olishmadi. Endi yurtdoshlarimiz ushbu shaharning oʻzida Osiyo qitʼasi vakillari uchun oʻtadigan litsenzion musobaqada oʻz omadini sinab koʻrishadi. 10-12-noyabr kunlariga moʻljallangan mazkur turnirda shu paytgacha yoʻllanma ololmagan atletlar orasida eng yaxshi natija koʻrsatgan ikki mergan shaxsiy dasturda Olimpiada ishtirokchisiga aylanadi.