16-19-noyabr kunlari dzyudo muxlislarining nigohi yana poytaxtimizga qaratiladi. Toshkent shahri oʻsmirlar va yoshlar oʻrtasidagi Osiyo chempionatiga mezbonlik qiladi.

Bellashuvlarda qitʼamizning 15 mamlakatidan 250 nafardan ziyod sportchi ishtirok etishi kutilmoqda. Unda yurtdoshlarimiz toʻliq tarkibda medallar uchun kurash olib borishadi. Bahslar “Alpomish” sport majmuasida oʻtkaziladi.