7 Noyabr 2023
1504
Toshkentda gandbol bo‘yicha IHF TROPHY turniri start oldi
Toshkentda gandbol boʻyicha qizlar oʻrtasida IHF TROPHY xalqaro musobaqasi boʻlib oʻtmoqda. 17 va 19 yosh toifalarida kechayotgan bellashuvlarda 4 mamlakat vakillari gʻoliblik uchun bahs olib bormoqda.
U-17 yosh toifasidagi qizlarimiz birinchi turda Gonkongga qarshi bahs olib borib, yirik 34:13 hisobida gʻalaba qozonishdi. 19 yoshli qizlarimiz esa ilk uchrashuvda Hindistonni 44:37 hisobida dogʻda qoldirishdi.
Reglamentga koʻra, musobaqa 11-noyabrga qadar davom etadi. Ungacha jamoalar aylana tizimida oʻzaro 2-martadan bahs olib borishadi.
