9-10-noyabr kunlari Iordaniyada taekvondo WT boʻyicha navbatdagi yirik turnir boʻlib oʻtadi. Butunjahon taekvondo federatsiyasi prezidenti sovrini uchun tashkil etiladigan mazkur musobaqa G2 tasnifiga kirib, unda oʻz vazn toifalarida gʻalaba qozongan sportchilar 20 reyting ochkosiga ega boʻlishadi. Ayni paytda Oʻzbekiston terma jamoasi mazkur musobaqaga soʻnggi tayyorgarlik bosqichini olib bormoqda. Mamlakat taekvondo assotsiatsiyasining maʼlum qilishicha, Iordaniya turnirida hamyurtlarimiz quyidagi tarkibda ishtirok etishadi:

-74 kg: Jasur Jaysunov
-80 kg: Shuhrat Salayev
-87 kg: Nikita Rafalovich
-62 kg: Feruza Sodiqova
+73 kg: Svetlana Osipova