5 Noyabr 2023
879
Gulistan Perdibayeva Jahon kubogi bosqichida g‘alaba qozondi
Yosh qilichbozlarimizning Jahon kubogi bosqichlaridagi muvaffaqiyatli ishtiroki davom etadi. Bu gal sablyachi qizlarimiz yuksak mahorat ko’rsatib, oltin va bronza medallarini qo’lga kiritishdi.
Ushbu yo’nalishdagi bahslarga Bahraynning Manama shahri mezbonlik qildi. Musobaqada Xanchjou-2022 Osiyo o’yinlari g’olibi Gulistan Perdibayeva barcha raqiblarini ishonchli hisoblarda mag’lub etib, oltin medalga sazovor bo’ldi. Shuningdek, Osiyo o’yinlarining kashfiyotlaridan yana biri Fernanda Errera bronza medali sohibiga aylandi. Bugun qizlarimiz jamoaviy dasturda ham chempionlik uchun jang qilishadi.
