Kamonchilarimiz ikkita litsenzion musobaqada qatnashishadi
Kamondan otish boʻyicha Oʻzbekiston terma jamoasi Tailandga yoʻl oldi. Hamyurtlarimiz Bangkok shahrida tashkil etiladigan ketma-ket ikkita litsenzion musobaqalarda ishtirok etishadi.
Ularning birinchisi 5-9-noyabr kunlari oʻtadigan Osiyo chempionati boʻlib, unda yakkalik dasturida Parij-2024 litsenziyalari oʻynaladi. Reglamentga koʻra, Osiyo chempionatida shu paytgacha yoʻllanma ololmagan atletlar orasida eng yaxshi natija koʻrsatgan ikki mergan Olimpiada ishtirokchisiga aylanadi.
Shundan soʻng 10-12-noyabr kunlari Osiyo qitʼasi uchun litsenzion turnir boʻlib oʻtadi. Mazkur musobaqa faqat jamoaviy dasturda oʻtkazilib, unda erkaklar va ayollar oʻrtasida birinchi oʻrinni qoʻlga kiritgan davlatlargina Parij-2024 yoʻllanmasi sohibi boʻlishadi. Terma jamoamiz Bangkokka quyidagi tarkibda yoʻl oldi:
Erkaklar:
Amirxon Sodiqov
Ozodbek Ungalov
Chen Yao Yuy
Mirjalol Mirolimov
Ayollar:
Ziyodaxon Abdusattorova
Nilufar Hamroyeva
Jasmina Nurmanova
Bibixojar Yoʻldosheva
