Parij-2024 Olimpiadasi sari bir qadam qoldi!
Oʻzbekiston 3:0 Hindiston
Gollar: N.Qudratova 2', L.Karachik 51', 83'
Midori Xonda boshchiligidagi futbol boʻyicha Oʻzbekiston ayollar terma jamoasi Parij-2024 Olimpiadasi yoʻlida hal qiluvchi 3-bosqichga yoʻl oldi. “C” guruhidan oʻrin olgan jamoamiz 6 ochko bilan eng yaxshi natija qayd etgan 2-oʻrin sohibi sifatida keyingi davraga oʻtdi. Guruhdagi soʻnggi turda Hindiston 3:0 hisobida magʻlubiyatga uchratildi.
Hal qiluvchi bosqichga Avstraliya, KXDR, Yaponiya va Oʻzbekiston jamoalari yoʻl oldi. “C” guruhida 2-o’rinni egallagan jamoamiz reglamentga muvofiq, “A” guruhi g’olibi Avstraliya bilan to’qnash keladi. Narigi juftlikda esa KXDR va Yaponiya jamoalari bahs olib borishadi. Ushbu o’yinlar kelasi yilning 24-28-fevral kunlari uy-safar tizimida bo’lib o’tadi. G’olib juftliklar Parij-2024 Olimpiadasiga yoʻllanma oladi. Hal qiluvchi bosqichda ham qizlarimizga omad va zafarlar tilaymiz!
