30 Oktyabr 2023
891
Alibek Temirgaliyev Osiyo chempionatida sovrindor bo‘ldi
Yaponiyada slalomda eshkak eshish boʻyicha litsenzion Osiyo chempionati oʻz yakuniga yetdi. Unda ishtirok etgan Oʻzbekiston terma jamoasi 2 ta kumush va 1 ta bronza medallariga sazovor boʻldi.
Maʼlum qilganimizdek, hamyurtlarimiz baydarka va kanoe slalomlarida kechgan jamoaviy dasturlarda kumush medallarga ega chiqishgan edi. Yakkalik bellashuvlarda qatnashgan kanoechi Alibek Temirgaliyev shohsupaning uchinchi pogʻonasidan joy oldi.
Reglamentga koʻra, musobaqada faqat oʻz yoʻnalishlarida gʻolib boʻlgan sportchilargina Parij-2024 Olimpiadasi yoʻllanmasiga ega boʻlishar edi. Afsuski, hamyurtlarimizning natijasi oltin medal uchun kamlik qildi.
