Saytning eski versiyasi

25-28-oktyabr kunlari Toshkentda ot sportining uchkurash yo’nalishi bo’yicha O’zbekiston kubogi musobaqasi bo’lib o’tdi. Qiziqarli kurashlarga boy o’tgan turnirda Respublikamizning turli hududlaridan tashrif buyurgan 30 nafardan ortiq chavandoz g’oliblik uchun bahs olib bordi.

Chavandozlar uch kun davom etgan bellashuvlarda ot yo’rttirish, kross va konkur dasturlarida o’z mahoratlarini namoyish etishdi. O’zbekiston yilqichilik va ot sporti federatsiyasi mutasaddilari kubok bahslari orqali Parij-2024 litsenzion musobaqalariga tayyorlanayotgan asosiy terma jamoa uchun nomzod sportchilarni saralab oldi. Yakunda g’olib va sovrindorlar esdalik sovg’alari bilan taqdirlanishdi.