26 Oktyabr 2023
822
Konkur bo‘yicha O‘zbekiston kubogi yakunlandi
22-25-oktyabr kunlari “Universal Horses Stables” ot sporti majmuasida konkur boʻyicha Oʻzbekiston kubogi bahslari boʻlib oʻtdi. Musobaqada Toshkent shahri, shuningdek, Samarqand, Fargʻona, Andijon, Qashqadaryo, Buxoro viloyatlaridan tashrif buyurgan mohir chavandozlar gʻoliblik uchun bellashishdi.
Bu yilgi kubok bahslari milliy terma jamoaga nomzod sportchilarni saralab olish imkonini taqdim qildi. Yakunda oʻz yoʻnalishlarida eng yaxshi natijani qayd etgan Oqil Sobirjonov (“A” toifasi), Mirzohid Musayev (“B”), Ibrohim Yoʻldoshev (“D”) va Akbar Sharipov (“C”) bosh sovrinlarni qoʻlga kiritishdi.
