Para-suzish boʻyicha Oʻzbekiston terma jamoasi aʼzosi Firdavs Musabekov bugungi kun hisobidan ikkinchi bor shohsupaga koʻtarilmoqda. Hamyurtimiz S13 klassida 100 metrga brass usulda suzish bellashuvlarida 1:08.36 daqiqa natija qayd etib kumush medalni qoʻlga kiritdi. Eslatib oʻtamiz, Musabekov biroz avval 400 metrga erkin usulda suzish dasturida bronza medaliga ega chiqqan edi.