Para-yengil atletika bahslaridan ajoyib yangilik. Ayollar oʻrtasida nayza uloqtirish boʻyicha F46 toifasida kechgan bellashuvlarda hamyurtimiz Shahina Yigitaliyeva oltin medalni qoʻlga kiritdi. Ahamiyatlisi, 15 yoshli Yigitaliyevaga chempionlikni taqdim qilgan 40.90 metr natija ushbu yoʻnalishda Para Osiyo oʻyinlarining yangi rekordi sifatida qayd etildi.