3-4-noyabr kunlari Qatarning Doxa shahrida regbi-7 boʻyicha “Asia Rugby Sevens Trophy” musobaqasi boʻlib oʻtadi. Erkaklar va ayollar oʻrtasida tashkil etiladigan mazkur turnirda Oʻzbekiston terma jamoasi ham qatnashadi. Hozirda unda ishtirok etadigan terma jamoalarimiz oʻquv-mashgʻulot yigʻinini olib bormoqda.

19-oktyabrda boshlangan yigʻin 31-oktyabrda yakuniga yetadi. Mashgʻulotlar Toshkent viloyatidagi “Yangiobod sport bazasi”da olib borilmoqda. Mashgʻulotlarda D.Kulikov boshchiligidagi terma jamoa murabbiylari texnik-taktik harakatlar, turli kombinatsiyalar ustida ishlashmoqda.