Para Osiyo oʻyinlaridan xushxabar davom etadi. Navbat para-suzish bellashuvlariga. Erkaklar oʻrtasida 100 metrga batterflyay usulida suzish boʻyicha kechgan S13 toifasidagi bellashuvlar Oʻzbekiston terma jamoasi uchun muvaffaqiyatli oʻtdi. Quvonarlisi, unda barcha sovrinli oʻrinlar hamyurtlarimizga nasib etdi. Muzaffar Tursunxoʻjayev, Islam Aslanov va Kirill Pankov mos ravishda oltin, kumush hamda bronza medallarini boʻlishib olishdi.