Para-yengil atletika boʻyicha Oʻzbekiston terma jamoasi aʼzosi Temur Giyazov ikkinchi bor Para Osiyo oʻyinlarida shohsupaga koʻtarilmoqda. Erkaklar oʻrtasida T64 klassida balandlikka sakrash bahslarida qatnashgan hamyurtimiz roppa-rosa 2 metr natija bilan kumush medalga sazovor boʻldi. Eslatib oʻtamiz, hamyurtimiz 2018-yilgi Para Osiyo oʻyinlarida ushbu dasturda oltin medalga egalik qilgan edi.