Bugun Saudiya Arabistonining Ar Riyod shahrida Butunjahon jangovar sport oʻyinlari start oldi. 30-oktyabrga qadar davom etadigan musobaqada dunyoning 124 mamlakatidan tashrif buyurgan 1600 nafarga yaqin sportchi medallar uchun kurash olib boradi.

Xususan, Oʻzbekiston delegatsiyasi ham mazkur musobaqada qatnashadi. Hamyurtlarimiz 8 sport turida (dzyudo, fransuz boksi, sambo, kikboksing, belbogʻli kurash, ushu, pankration va grepling) 40 nafardan ortiq atlet bilan mamlakatimiz sharafini himoya qilishi kutilmoqda. Musobaqa tafsilotlari va hamyurtlarimizning undagi chiqishlarini “Sport” telekanali orqali kuzatib borishingiz mumkin.