Xanchjou-2022 XIX yozgi Osiyo oʻyinlaridan soʻng bir qator xalqaro tashkilotlar musobaqa yakuni boʻyicha oʻz yoʻnalishlaridagi tahlillarni eʼlon qilinmoqda. Ahamiyatli tomoni, Islom birdamligi sport federatsiyasi ushbu tashkilotga aʼzo mamlakatlarning natijalarini eʼlon qildi va unda Oʻzbekiston delegatsiyasi birinchi oʻrinda eʼtirof etildi.

Shuningdek, kuchli uchlikdan Eron va Bahrayn delegatsiyalari oʻrin egallagan. Eslatib oʻtamiz, hamyurtlarimiz Osiyo oʻyinlarida 22 ta oltin, 18 ta kumush va 31 ta bronza, jami 71 ta medal jamgʻarib, medallar soni va sifati boʻyicha oʻz tarixidagi eng yaxshi natijani qayd etdi.