Tailand davlatining Bangkok shahrida Osiyo boks konfederatsiyasining navbatdan tashqari Kongressi boʻlib oʻtdi. Tadbirning kun tartibidan qitʼamiz boksi rivojiga oid bir qator masalalar, shuningdek, 2022-yil mintaqada oʻtgan barcha musobaqalar hisoboti oʻrin oldi.

Quvonarlisi, Oʻzbekiston boks federatsiyasi oʻtgan 2022-yil hisobidan medallar jamgʻarish boʻyicha Osiyoda “Yil federatsiyasi” deya tan olindi va Osiyo boks konfederatsiyasining maxsus mukofoti bilan taqdirlandi. Ushbu sovrinni Oʻzbekiston boks federatsiyasi raisi maslahatchisi Malik Babayev qabul qilib oldi.