Bugun Shri-Lankada davom etayotgan voleybol bo’yicha “CAVA Men’s volleyball challange cup Colombo 2023” turniri nihoyasiga yetadi. Quvonarlisi, erkaklar o’rtasida o’tkazilayotgan mazkur musobaqada ishtirok etayotgan O’zbekiston terma jamoasi oltin medallar uchun bahs olib boradi.

Hamyurtlarimiz aylana tizimda o’tgan saralash bosqichida Saudiya Arabistoni (3:0), Shri-Lanka (3:2), Bangladesh (3:1) va Nepal (3:0) jamoalarini mag’lubiyatga uchratishgan bo’lsa, Afg’onistonga (2:3) imkoniyatni boy berib qo’yishdi. Saralashda eng ko’p ochko jamg’argan O’zbekiston va Shri-Lanka jamoalari bugun hal qiluvchi bahsda yana bir bor to’qnash kelishadi. Bo’lajak bellashuvda yurtdoshlarimizga omad tilaymiz.