Zamonaviy sportda atletlarni taqiqlangan moddalardan saqlash eng dolzarb mavzulardan biri hisoblanadi. 17-oktyabr kuni Milliy antidoping agentligi tomonidan mazkur yoʻnalishda onlayn vebinar tashkil etilmoqda.

Soat 14:00 da boshlanadigan tadbir “Sportda taqiqlangan moddalar va usullardan terapevtik istisnolar tarzida foydalanish” mavzusida oʻtkazilib, unda xalqaro ekspertlar bu boʻyicha oʻz bilim va koʻnikmalari bilan oʻrtoqlashishadi. “ZOOM” platformasida tashkil etiladigan tadbirda Respublikamizdagi sport taʼlim muassasalarida faoliyat olib borayotgan tibbiyot xodimlari, sport federatsiyalari va assotsiatsiyalarning shifokor hamda murabbiylari ishtirok etishi mumkin. Vebinarda qatnashmoqchi boʻlganlar uchun Agentlikning ijtimoiy tarmoqdagi sahifalarida batafsil maʼlumot beriladi.