11 Oktyabr 2023
974
Abu-Dabi "Katta dubulg‘a" turniri uchun tarkib maʼlum
24-26 oktyabr kunlari BAAning Abu-Dabi shahrida dzyudo bo‘yicha navbatdagi “Katta dubulg‘a” turniri bo‘lib o‘tadi. Jahon va Parij-2024 Olimpiadasi reytingi uchun 1000 ochko taqdim qiladigan mazkur musobaqada 79 mamlakatdan 400 nafardan ziyod sportchi bahs olib borishi kutilmoqda.
Unda O‘zbekiston terma jamoasi ham ishtirok etadi. Murabbiylar shtabi Xanchjou-2022 Osiyo o‘yinlaridan so‘ng ko‘plab yetakchilarga dam bergani bois terma jamoamiz BAA turnirida deyarli ikkinchi tarkib bilan qatnashadi.
