Bugundan bellashuvlarga kirishgan badiiy gimnastika boʻyicha Oʻzbekiston terma jamoasi aʼzolari yakkalik dasturida saralash va jamoaviy yoʻnalish boʻyicha final bahslarini oʻtkazishdi. Taxmina Ikromova, Vilana Savadyan hamda Evelina Atalyansdan iborat jamoamiz 324.8 ball jamgʻarishga erishdi. Quvonarlisi, ushbu natijani hech bir jamoa takrorlay olmadi va hamyurtlarimiz jamoaviy dasturda oltin medalni qoʻlga kiritishdi.

Shuningdek, bugungi chiqishlari orqali Taxmina Ikromova hamda Evelina Atalyans yakkalik yoʻnalishida koʻpkurash dasturida medallar uchun kurashish imkonini saqlab qolishdi.