Ot sportining konkur bahslarida yakkalik va jamoaviy yoʻnalishda kunning birinchi yarmidan oʻrin olgan bellashuvlar yakunlandi. Quvonarlisi, unda Bahromjon Gaziyev boshchiligidagi chavandozlarimiz medallar uchun kurashni davom ettirishmoqda.

Jamoaviy dasturda dastlabki saralashdan soʻng faqatgina hindistonlik sportchilar sovrinli oʻrinlar uchun kurashdan chiqib ketishdi. Hamyurtlarimiz birinchi chiqishdan keyin yettinchi natijani qayd etib turishibdi. Birozdan keyin medallar uchun bahslar boshlanadi.