Bugun kamondan otish boʻyicha saralash bosqichining ikkinchi kun bellashuvlari oʻtkazildi. Uning yakunlariga koʻra, Oʻzbekiston terma jamoasi aʼzosi Amirxon Sodiqov chorak final yoʻllanmasini qoʻlga kiritdi. Hamyurtimiz saralash bahslarida Junya Nakanishi (Yaponiya) va Kuok Pxong Ie (Vyetnam) kabi raqiblarni magʻlubiyatga uchratdi. Endi u ertaga Toshkent vaqti bilan 11:20 da start oladigan chorak final bahsida janubiy koreyalik Vuseok Li bilan bellashadi.