Zaynab Dayibekova, Gulistan Perdibayeva, Fernanda Errera hamda Paola Pliyego o’z ismlarini o’zbek qilichbozligi solnomasiga bitib qo’yishdi. Aynan ular ushbu sport turida O’zbekiston uchun Osiyo o’yinlaridagi ilk oltin medalni taqdim qildilar. Qizlarimiz bu bilan allqachon Osiyoda yetakchilar qatoriga kirishganini ko’rsatishdi. Finaldagi ajoyib g’alaba sharafiga Xitoy arenasida O’zbekiston Respublikasi davlat madhiyasi yangradi. Osiyo o’yinlari zabt etildi. Endi navbat Olimpiadaga!