Taekvondo WT boʻyicha Oʻzbekiston terma jamoasi ortda qolgan kunlar davomida 1 ta oltin, 1 ta kumush va 3 ta bronza medallarini jamgʻarishga ulgurdi. Bugungi bellashuvlardan keyin Yoshlar siyosati va sport vazirining oʻrinbosari Shahrullo Mahmudov, MOQ raisi oʻrinbosari, mamlakat taekvondo WT assotsiatsiyasi raisi Sherzod Tashmatov sportchilarni tabriklashdi.

Anʼanaga muvofiq, musobaqada shohsupaga koʻtarilgan barcha sportchilarga vazirlik va MOQning esdalik sovgʻalari topshirib kelinmoqda. Rasmiylar taekvondonchilarimizni erishgan muvaffaqiyatlari bilan qutlab, ularning kelgusi faoliyatida ham omad tiladilar.

Maʼlumot uchun, Osiyo oʻyinlari doirasida taekvondo bahslari davom etadi. Ertaga hamyurtlarimizdan Svetlana Osipova hamda Nikita Rafalovich dayanga chiqishadi.