26 Sentyabr 2023
765
Adham Ikramov taekvondochilarimizni tabrikladi
Yoshlar siyosati va sport vaziri Adham Ikramov taekvondo WT boʻyicha Oʻzbekiston terma jamoasi aʼzolari bilan uchrashdi. Tashrif davomida vazirga MOQ raisi oʻrinbosari, mamlakat taekvondo federatsiyasi raisi Sherzod Tashmatov hamrohlik qildi. Rasmiylar sportchilarimiz bilan samimiy suhbatlashib, ularni qoʻlga kiritilgan dastlabki medallar bilan qutlashdi.
Anʼanaga muvofiq, kecha bronza medalini qoʻlga kiritgan Madinabonu Mannopova (-49 kg) hamda aralash jamoaviy dasturdagi sportchilarimizga Yoshlar siyosati va sport vazirligi hamda Oʻzbekiston MOQning esdalik sovgʻalari taqdim qilindi. Shuningdek, Adham Ilhamovich musobaqa davomida dayanga chiqadigan boshqa atletlarimizga ham omad tiladi.
