Boks boʻyicha yoshlar oʻrtasidagi jahon chempioni Nigina Oʻktamova (-54 kg) Osiyo oʻyinlaridagi ishtirokini gʻalaba bilan boshladi. Samarqandlik bokschimiz filippinlik Irish Magnoni 5:0 hisobida dogʻda qoldirdi. Qayd etish joiz, bokschi qizlarimiz shu paytgacha oʻtgan Osiyo oʻyinlarida ishtirok etishgan boʻlsalar ham, birinchi bosqichdayoq musobaqani tark etishgan. Shu nuqtayi nazardan, ushbu muvaffaqiyatni Osiyo oʻyinlaridagi yana bir ahamiyatli gʻalaba, deyish mumkin.