Osiyo oʻyinlaridan yana bir xushxabar. Shpagachi qizimiz Dilnaz Murtazayeva chorak final bellashuvida yaponiyalik Sato Nozomini 15:14 hisobida magʻlubiyatga uchratib, yarim final yoʻllanmasini qoʻlga kiritdi. Reglamentga koʻra, qilichbozlikda yarim finalda imkoniyatni boy bergan atletlar bronza medaliga ega boʻlishadi. Biroq biz Murtazayevadan final va chempionlikni kutib qolamiz. Yurtdoshimizning final ostonasidagi raqibi janubiy koreyalik Injeong Choi boʻladi.