Bugun Xanchjou-2022 XIX yozgi Osiyo o'yinlarining ochilish marosimi oldidan ishtirokchi davlatlarning bayroqlari ko'tarildi. O'yinlar dasturidan rasmiy marosimlardan biri sifatida o'rin olgan ushbu tadbirda Yoshlar siyosati va sport vaziri Adham Ikramov, O'zbekiston MOQ raisi o'rinbosarlari Saken Polatov hamda Sherzod Tashmatov, Tashkiliy qo'mita vakillari, sportchilar ishtirok etishdi. Marosimda O'zbekiston Respublikasi Davlat madhiyasi sadosi ostida bayrog'imiz ko'tarildi.