Sport kurashlari bo’yicha Serbiyada o’tayotgan jahon chempionatida ikkinchi kun bellashuvlari start olmoqda. Bugun -57 va -74 kg olimpiya, shuningdek, -79 va -92 kg noolimpiya vazn toifalarida saralash bellashuvlari o’tkaziladi.

Ortda qolgan kun yakunlariga ko’ra, yarim finalgacha yetib borgan Javrail Shapiyev bronza medali uchun gilamga chiqadigan bo’ldi. Uning raqibi 2 ta o’tish bosqichidan so’ng aniqlanadi. Qayd etish joiz, Shapiyev unda g’alaba qozonadigan bo’lsa, bronza medali qatori Parij-2024 Olimpiadasi yo’llanmasini ham qo’lga kiritadi. Hamyurtlarimizning saralash bosqichidagi ilk raqiblari quyidagilar:

-57 kg: G’ulomjon Abdullayev - Gayan Ekanayake (Shri-Lanka) 
-74 kg: Bekzod Abdurahmonov - Kamil Rimitski (Polsha) 
-92 kg: Rustam Shodiyev - Mixal Beilavski (Polsha)