Saudiya Arabistonida ogʻir atletika boʻyicha jahon chempionatining yana bir kuni ortda qoldi. Maʼlum qilganimizdek, unda Oʻzbekiston terma jamoasi aʼzolari Sunnatilla Oʻsarov hamda Sharofiddin Amriddinov ishtirok etishdi.

-96 kg vazn toifasining “В” guruhida qatnashgan Oʻsarov dast koʻtarishda 163 kg, siltab koʻtarishda 190 kg, ikki kurash hisobida esa 353 kg natija bilan yakunda 14-oʻrinni egalladi.

Amriddinov -102 kg vazn toifasining “С” guruhida qatnashdi. Samarqandlik atletimiz dast koʻtarishda 177 kg, siltab koʻtarishda 202 kg va umumiy hisob boʻyicha 379 kg natija qayd etdi. Ushbu vaznda “A” va “В” guruhlarida ishtirok etadigan sportchilarning chiqishi bugun boʻlib oʻtadi.