Slovakiyada o’tayotgan konkur bo’yicha "Šamorín - Danube Champions Tour IV 2023" turniridan yana bir xushxabar. Terma jamoamiz sardori Bekzod Qurbonov musobaqadagi ikkinchi oltin medaliga sazovor bo’ldi.

Hamyurtimiz bu gal 135 sm balandlikdagi to’siqlardan sakrash dasturida eng yaxshi natijani qayd etib, birinchi o’rinni egalladi. Bellashuvlar davomida unga “Santa Xipika” laqabli tulpori hamrohlik qildi.

Ushbu g’alaba Xanchjou-2022 Osiyo o’yinlari oldidan chavandozlarimizga ko’tarinki kayfiyat ulashdi. Mazkur musobaqadan so’ng terma jamoamiz Xitoyga yo’l oladi.