Xanchjou-2022 Osiyo oʻyinlarida bokschilarimiz zimmasida ikki hissa masʼuliyat bor. Boisi ular, nafaqat medallar, balki Parij-2024 Olimpiadasining yoʻllanmalari uchun ham ringga koʻtarilishadi. Shu bois, unga oʻta jiddiy tayyorgarlik koʻrish zarur.

Charm qoʻlqop ustalarimiz Toshkentdagi yigʻinni yakunlash arafasida. Rejaga koʻra, ular 12-sentyabr kuni Xitoyga yoʻl olib, tayyorgarlikning soʻnggi bosqichini Xanchjou shahrining oʻzida olib borishadi.