6 Sentyabr 2023
836
Stol tennischilarimiz JCH yo‘llanmasini qo‘lga kiritishdi
Stol tennisi boʻyicha Oʻzbekiston terma jamoasi Janubiy Koreyaning Pxyonchxan shahrida tashkil etilayotgan Osiyo chempionatida ishtirok etishi haqida xabar bergan edik. Ayni paytga kelib, jamoaviy yoʻnalishda kuchlilar saralandi.
Oʻzbekiston stol tennisi federatsiyasining maʼlum qilishicha, musobaqada ayollar terma jamoamiz kuchli oʻnlikdan joy olib, kelasi yil ushbu mamlakatning Pusan shahrida oʻtadigan jahon chempionati yoʻllanmasini qoʻlga kiritdi. Erkaklar jamoamiz esa chempionatni 15-oʻrinda yakunladi.
Ertaga hamyurtlarimiz yakkalik va juftlik dasturlaridagi ishtiroklari bilan musobaqani davom ettirishadi.
