Serbiya poytaxtida oʻtayotgan akademik eshkak eshish boʻyicha jahon chempionatida qatnashayotgan sportchilarimiz dastlabki saralash bosqichidan muvaffaqiyatli oʻtishdi.

Yengil vaznli sportchilar orasida Shahzod Nurmatov va Sobirjon Safaraliyev (LM2x) juftligi chorak final yoʻllanmasini qoʻlga kiritganini maʼlum qilgan edik. Ayollar oʻrtasidagi bellashuvlarda Anna Prakaten (W1x) ham oʻtish bosqichida muvaffaqiyatli ishtirok etib, medallar uchun kurashni davom ettirmoqda. Endi hamyurtlarimiz 6-sentyabr kuni yarim final uchun bahsda startga chiqishadi.