Qoyani zabt etish nafaqat Olimpiya oilasi, balki mamlakatimizga yaqinda kirib kelgan sport turlaridan hisoblanadi. Xanchjou-2022 Osiyo oʻyinlaridagi bahslar orqali Parij-2024 Olimpiadasining litsenziyalari yoʻlida atletlarimizning imkoniyatlarini chamalab olishimiz mumkin boʻladi.

Bellashuvlar oʻtkaziladigan “Shaoxing Keqiao Yangshan Sport Climbing Centre” majmuasi Atletlar shaharchasidan 37.3 km uzoqlikda qad rostlagan. Uning togʻ etagida, haqiqiy qoyalar oldida joylashgani musobaqa davomida sportchilar va tomoshabinlarga oʻzgacha atmosfera berib turadi.