2 Sentyabr 2023
1070
Oybek Norinboyev Osiyo o’q otish konfederatsiyasi Ijroiya qo’mitasi a’zosiga aylandi
Bugun Quvaytda Osiyo o’q otish konfederatsiyasining (OO’OK)navbatdagi Bosh Assambleyasi bo’lib o’tdi. Tashkilot shtab-kvartirasida o’tgan tadbirda Konfederatsiyaning so’nggi 4 yillikdagi faoliyati sarhisob qilinib, keyingi davr uchun rahbariyat tarkibi qayta shakllantirib olindi.
Unga ko’ra tashkilotning amaldagi rahbari Shayx Salmon Al Sabah yana 4 yil muddatga Osiyo o’q otish konfederatsiyasi prezidenti, Deyj Al Otaybi esa Bosh kotib lavozimiga qayta saylandi. Biz uchun ahamiyatlisi, O’zbekiston o’q otish sporti federatsiyasi raisi Oybek Norinboyev OO’OKning Ijroiya qo’mitasi tarkibiga a’zo bo’ldi.
