Bosniya va Gertsegovinada taekvondo WT bo’yicha o’smirlar o’rtasidagi jahon chempionati yakunlandi. Unda qatnashgan O’zbekiston terma jamoasi 2 ta oltin medalni qo’lga kiritib, tarixiy natija qayd etdi.

Musobaqaning so’nggi kunida bo’yi 180 smgacha bo’lgan sportchilar bahsida barcha raqiblarini mag’lub etgan Ahadjon Muxtorov shohsupaning eng yuqori pog’onasiga ko’tarildi. Qayd etish joiz, o’smirlarimiz shu paytgacha bir jahon chempionatida 2 ta oltin medalga sazovor bo’lmagan. Eslatib o’tamiz, musobaqaning ilk kunida Islombek Akchurin (-152 sm) ham birinchi o’rinni egallagan edi.