28-avgust kuni Toshkentda dzyudo boʻyicha xalqaro oʻquv-mashgʻulot yigʻini start oldi. 7-sentyabrga qadar davom etadigan ushbu mashgʻulotlarda Oʻzbekiston, Qozogʻiston, Turkmaniston, Tojikiston, Qirgʻiziston, Turkiya, Ozarbayjon, Quvayt, Finlyandiya, Gretsiya, Moldova, Tanzaniya va Isroildan 400 nafarga yaqin sportchi ishtirok etmoqda.

Yigʻin 22-24-sentyabr kunlari boʻlib oʻtadigan Boku “Katta dubulgʻa” turniri, shuningdek, qitʼadoshlarimiz uchun Xanchjou-2022 Osiyo oʻyinlari oldidan muhim tayyorgarlik bosqich vazifasini oʻtab beradi. Asosan taktik va texnik harakatlarga qaratilgan mashgʻulotlarda terma jamoamiz asosiy va zaxira tarkibi bilan qatnashmoqda.