28 Avgust 2023
926
Beshkurashchilarimiz Osiyo o‘yinlari oldidan so‘nggi yig‘inni o‘tkazishmoqda
Zamonaviy beshkurash boʻyicha Oʻzbekiston terma jamoasi 25-avgustdan navbatdagi oʻquv-mashgʻulot yigʻinini boshladi. Toshkent shahrida oʻtayotgan mashgʻulotlarga Xanchjou-2022 Osiyo oʻyinlarida ishtirok etadigan asosiy jamoa vakillari jalb etilgan.
Yigʻin 15-sentyabrga qadar davom etadi. Shundan soʻng jamoa birinchilardan boʻlib Xanchjou shahriga yoʻl oladi. Taqvimga koʻra, mazkur sport turidagi bahslar ochilish marosimidan avval boshlanadi. 20-24-sentyabr kuniga belgilangan bellashuvlarda hamyurtlarimiz Osiyo oʻyinlarining medallari qatori Parij-2024 Olimpiadasining yoʻllanmalari uchun ham kurash olib borishadi.
